Islom moliyasi sohasida faoliyat olib boruvchi IMAN fintek kompaniyasi 1 mln dollar miqdordagi investitsiyani o‘ziga jalb qildi. Bu haqda kompaniya matbuot xizmati “Daryo” ga ma’lum qildi.
Battery Road Digital Holdings, Tesla Capital, Le Mercier’s Capital, Uzcard Ventures, IT-Park Investments va Vector Crypto Capital kabi oltita venchur fondi kompaniya sarmoyadorlariga aylandi.
Jalb qilingan pullar mobil ilovalar, ta’lim loyihalari, shuningdek, yangi bozorlardagi imkoniyat va sharoitlarni o‘rganishga sarflanadi.
Jamoa asosan musulmonlar yashaydigan va elektron tijorat yuqori darajada rivojlangan mamlakatlarga kirish rejalarini ishlab chiqishni yo‘lga qo‘yib bo‘lgan.
Kompaniya ikkita mahsulotni taqdim etadi: IMAN Invest sarmoyalar xizmati va IMAN Pay muddatli to‘lov xizmati.
Avvalroq O‘zbekistonda islom moliyasi va islom bankingini targ‘ib qilish ishlari bo‘yicha muhokamalar ketayotgani haqida xabar berilgan edi.
Izoh (0)