3 mingdan 8 million so‘mgacha. O‘zbekistonda ayrim gazetalarning moliyaviy hisoboti ma’lum bo‘ldi

Respublika hududlaridagi ayrim gazetalarning 2021-yil uchun moliyaviy hisoboti ma’lum bo‘ldi. 

Unga ko‘ra, Navoiy viloyatining “Karmana ovozi” gazetasi yilni 15 mln 378 ming zarar bilan yakunlagan. Xuddi shu viloyatning “Navbahor” gazetasi 14 mln 36 ming so‘m zarar ko‘rgan. 

Navoiy shahrida joylashgan “Do‘stlik bayrog‘i” gazetasi esa 2021-yilni 2 mln 402 ming foyda bilan yakunlagan. 

“Uchquduq” va “Nurnoma” gazetalarining yillik foydasi mos ravishda 8 mln 185 ming va 800 ming so‘mni tashkil qilgan.

Surxondaryo viloyatida joylashgan “Jarqo‘rg‘on” gazetasi 7 ming so‘m foyda ko‘rgan. 

Buxoro viloyatiga qarashli “G‘ijduvon” gazetasi 70 ming so‘m foyda qilgan. Xuddi shu hududdagi “Kogon hayoti” gazetasi 3 ming so‘m foyda ko‘rgan bo‘lsa, “Romitonnoma” gazetasi 2021-yilni 1 mln 72 ming so‘m foyda bilan yakunladi. 

Andijon viloyatiga qarashli “Bo‘ston” gazetasi 760 ming 700 so‘m zarar bilan yilni yakunladi.

Qashqadaryo viloyatiga qarashli “Qashqadaryo sporti” gazetasi 2021-yilda 1 mln 265 ming so‘m foyda ko‘rdi.

Yuqorida keltirilgan barcha gazetalar 100 foiz davlatga tegishli.

Avvalroq “Bunyodkor” futbol klubi 2021-yilda 37 mlrd so‘m zarar ko‘rgani haqida xabar berilgan edi.