Toshkentning Yangihayot tumanida xorijiy kompaniya mulkni qo‘lga kiritgan shaxslar aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Yangihayot tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Tekshiruv davomida fuqaro A.Sh. va boshqalar logistika faoliyati bilan shug‘ullanuvchi “W.G.” xorijiy kompaniya vakolatxonasi rahbari S.K.ning ishonchiga kirib, umumiy qiymati 152 ming dollarlik 76 dona yuk konteynerlarini firibgarlik yo‘li bilan qo‘lga kiritgani aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent viloyatida sherikchilikda “pul aylantirish” uchun tanishidan qariyb 35 ming dollar olgan shaxs ushlangani to‘g‘risida xabar berilgandi.
Izoh (0)