Тошкентнинг Янгиҳаёт туманида хорижий компания мулкни қўлга киритган шахслар аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Янгиҳаёт туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Текширув давомида фуқаро А.Ш. ва бошқалар логистика фаолияти билан шуғулланувчи «W.Г.» хорижий компания ваколатхонаси раҳбари С.К.нинг ишончига кириб, умумий қиймати 152 минг долларлик 76 дона юк контейнерларини фирибгарлик йўли билан қўлга киритгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент вилоятида шерикчиликда «пул айлантириш» учун танишидан қарийб 35 минг доллар олган шахс ушлангани тўғрисида хабар берилганди.
Изоҳ (0)