Ijtimoiy tarmoqlarda fuqaro o‘zini Toshkent davlat texnika universitetining beshinchi qavatidan tashlab yubormoqchi bo‘lgani aytilgan xabarlar tarqaldi. Oliy va o‘rta maxsus ta’lim vazirligi xabar qildi.
Qayd etilishicha, holat 15-fevral kuni 11:50 atrofida sodir bo‘lgan. Universitetining rekonstruksiya ishlari yakunlanayotgan A blokida qurilish tashkilotining yollanma ishchisi binoning tom qismiga chiqib, bajargan ishlari evaziga ish haqini olmagani uchun mas’ullarga shart qo‘ygan.
Vaziyat bo‘yicha qurilish tashkiloti rahbarlari, IIB xodimlariga zudlik bilan xabar berilgan. Shundan so‘ng fuqaro bilan gaplashib, unga qurilish tashkiloti tomonidan ish haqi to‘lab berilishi ta’minlangan.
“Universitet ma’muriyati fuqaroni oliy ta’lim muassasasiga aloqasi yo‘qligi va universitet xodimi emasligini ma’lum qildi”, — deyiladi xabarda.
Mavzuga doir:
- Shahrisabzda olti oydan buyon oyliksiz ishlayotgani aytilgan kollej o‘qituvchilarining maoshlari Navro‘z bayramigacha to‘lab berilishi aytildi
- Samarqandda 3 mln so‘m ish haqini bermagan mahalladoshini pichoqlab o‘ldirgan shaxs 13,5 yilga qamaldi
- Qashqadaryoda obodonlashtirish xizmatini ko‘rsatuvchi tashkilotning 171 nafar xodimiga ish haqi to‘lanmay kelgani aniqlandi
Izoh (0)