Toshkent shahridan Rossiyaning Krasnodar va Rostov-Don shaharlariga qo‘shimcha qatnovlar joriy etiladi. Bu haqda Uzbekistan Airways xabar qildi.
Qayd etilishicha, 20-fevraldan boshlab haftaning yakshanba kunlari Toshkent—Rostov-Don—Toshkent yo‘nalishi bo‘yicha qatnovlar amalga oshiriladi. Toshkentdan Rossiya shahriga aviachipta narxi 1 million 761 ming 681 so‘mdan, qaytish parvozi bilan qo‘shib hisoblaganda 1 million 934 ming 819 so‘mdan boshlanadi.
23-fevraldan esa chorshanba kunlari Toshkent—Krasnodar—Toshkent yo‘nalishi bo‘yicha qo‘shimcha aviaqatnovlar yo‘lga qo‘yiladi. Toshkent—Krasnodar yo‘nalishida aviachipta narxi 1 million 956 ming 956 so‘mdan, ikki tomonlama aviachipta narxi esa 2 million 179 ming 562 so‘mdan boshlanadi.
Narxlar 15-fevral holatiga ko‘ra amal qiladi.
Izoh (0)