Samarqand shahrida xizmat haqini bermagan mahalladoshini o‘ldirgan shaxsga sud hukmi o‘qildi. Bu haqda Zarnews xabar qildi.
Ma’lum qilinishicha, ikki shaxs o‘rtasidagi nizo 2021-yil iyul oyida boshlangan. Sudlanuvchi S.A. shahardagi Farhod qo‘rg‘onida yashovchi F.D.dan uning uyida ta’mirlash ishlarini bajargani uchun xizmat haqi talab qilgan. F.D. esa unga boshqa pul bermasligini aytgan. Holat o‘zaro janjalga sabab bo‘lgan.
Oradan ko‘p o‘tmay S.A. mahalladoshining yashash uyiga kelib, uni uyidan tashqariga chaqirgan. Orada yana janjal yuzaga kelgan. S.A. o‘zi bilan olib kelgan oshxona pichog‘i bilan uning chap ko‘krak sohasi, chap ko‘krak yon orqa sohasi qismlariga bir necha marta urib tan jarohati yetkazgan. F.D. olgan tan jarohatlari oqibatida voqea joyida vafot etgan.
Jinoyat ishlari bo‘yicha Samarqand shahar sudi S.A. ga 13 yil 6 oy muddatga ozodlikdan mahrum qilish jazosini tayinladi.
Mavzuga doir:
- Andijonda onasiga baqirgan ukasi bilan janjallashib, uning o‘limiga sababchi bo‘lgan aka 10 yilga qamaldi
- Qibrayda bir oilaning 4 a’zosi va uydagi yollanma ishchini pichoqlab o‘ldirgan yigit umrbod ozodlikdan mahrum qilindi
- Toshkentda akasini himoya qilish maqsadida qasddan odam o‘ldirgan yigit 12 yilga ozodlikdan mahrum qilindi