Instagram o‘z foydalanuvchilariga ko‘p yillar oldin qoldirilgan fotosuratlar va layklarni o‘chirish imkonini beradi.
Ilova endi layklar, sharhlar va qidiruv tarixi kabi foydalanuvchilarning avvalgi amalga oshirgan harakatlarini ko‘rish va ularni boshqarish funksiyalarini qo‘shadi. Foydalanuvchilarga ilovadagi kontentni ko‘proq nazorat qilish imkonini beruvchi innovatsiyalar kompaniyaning “Xavfsiz internet kuni” tashabbusining bir qismidir.
Barcha foydalanuvchilar postlar, sharhlar, layklar, stories’lar, IGTV va Reelsni o‘chirishi yoki arxivlashi mumkin bo‘ladi. Shuningdek, foydalanuvchilar kontentni sana bo‘yicha filtrlash va saralash imkoniyatiga ega bo‘lishi aytilmoqda.
Bu funksiya foydalanuvchilarga yaqinda o‘chirilgan yoki arxivlangan postlarni qidirishni hamda Instagram’da qancha vaqt o‘tkazganini va qaysi havolalardan foydalanganini tekshirishni osonlashtiradi.
Instagram foydalanuvchi ilovaga kirish huquqini yo‘qotganida unga kirishning yangi usulini sinovdan o‘tkazmoqda. Tez orada hamma o‘z do‘stidan shaxsini tasdiqlashi va kirishni tiklashga yordam berishini so‘rashi mumkin.
Avvalroq Instagram “tanaffus” funksiyasini ishga tushirgani haqida xabar berilgan edi
Izoh (0)