Kia O‘zbekistonda K8 ning mahalliy yig‘uvini yo‘lga qo‘ydi. Modelni MDHning boshqa mamlakatlarida sotish bo‘yicha rejalar yo‘q

O‘zbekistonda Kia K8 premium sport avtomobilining sotuvlari boshlandi, deb xabar berdi Kia Russia & CIS matbuot xizmati.

Bozordagi mavjud talabni qondirish uchun Jizzax erkin iqtisodiy zonasidagi ADM-Jizzakh zavodida modelning mahalliy yig‘uvi yo‘lga qo‘yildi.

K8 avtomobilini MDHning boshqa bozorlariga chiqarish bo‘yicha rejalar hozircha yo‘q, — deyiladi xabarda.

K8 mashinasi avvalroq O‘zbekiston bozoriga kirib kelgan Soul, Seltos va Sorento krossoverlari, Carnival krossveni, К5 va Stinger sport modellaridan keyingi yettinchisi bo‘ldi. 

Avtomobil brendning tubdan o‘zgartirilishi ma’lum qilingandan so‘ng 2021-yilda taqdim etilgan Kia’ning birinchi modelidir.  

O‘zbekiston bozorida 8 pog‘onali avtomatik uzatmalar qutisi va old uzatmaga ega Smartstream 3,5 GDI (300 ot kuchi quvvati) kuchli dvigateli bilan jihozlangan K8 modeli taqdim etilgan. Narxi 639 900 000 so‘mdan boshlanadi.