Instagram’да эски фото ва лайкларни ўчириш функцияси пайдо бўлди

Instagram ўз фойдаланувчиларига кўп йиллар олдин қолдирилган фотосуратлар ва лайкларни ўчириш имконини беради.

Илова энди лайклар, шарҳлар ва қидирув тарихи каби фойдаланувчиларнинг аввалги амалга оширган ҳаракатларини кўриш ва уларни бошқариш функцияларини қўшади. Фойдаланувчиларга иловадаги контентни кўпроқ назорат қилиш имконини берувчи инновациялар компаниянинг «Хавфсиз интернет куни» ташаббусининг бир қисмидир. 

Барча фойдаланувчилар постлар, шарҳлар, лайклар, stories’лар, IGTV ва Reels’ни ўчириши ёки архивлаши мумкин бўлади. Шунингдек, фойдаланувчилар контентни сана бўйича фильтрлаш ва саралаш имкониятига эга бўлиши айтилмоқда. 

Бу функция фойдаланувчиларга яқинда ўчирилган ёки архивланган постларни қидиришни ҳамда Instagram’да қанча вақт ўтказганини ва қайси ҳаволалардан фойдаланганини текширишни осонлаштиради. 

Instagram фойдаланувчи иловага кириш ҳуқуқини йўқотганида унга киришнинг янги усулини синовдан ўтказмоқда. Тез орада ҳамма ўз дўстидан шахсини тасдиқлаши ва киришни тиклашга ёрдам беришини сўраши мумкин.

Аввалроқ Instagram «танаффус» функциясини ишга туширгани ҳақида хабар берилган эди