Avvalroq Asia Alliance Bank’ning asosiy egasi o‘zgargani haqida xabar berilgan edi. Yanvar oyining oxiridan Britaniyaning Gor Investment Ltd kompaniyasi unga egalik qila boshladi.
Bu bo‘yicha tafsilotlar yaqinda ommaga ma’lum qilindi. Endilikda bankning 77,2 foizini Asia Alliance Group va Gor Investment nazorat qilishadi. Ularga kompaniyaning 576 745 997 aksiyalari tegishlidir:
Asia Alliance Bank’ga 2009-yili asos solingan. 2010-yili SWIFT, Western Union, Asia-Express’larga ulandi, Rossiya va Germaniyaning banklari bilan dastlabki vakillik aloqalarini o‘rnatdi.
2018-yili bank rahbarligi davlat xizmatchilari qo‘liga o‘tdi, 2019-yilda esa Asia Alliance Bank davlat nazoratiga o‘tkazilgani Markaziy bank tomonidan tasdiqlandi.
Asia Alliance Bank qanaqasiga yana xususiylashtirildi?
Bu haqida birinchi xabar 2020-yilning o‘rtalarida paydo bo‘ldi — bankning matbuot xizmati Davlat aktivlarni boshqarish agentlik boshqaruvidagi aksiyalarni Britaniyaning Gor Investment Ltd kompaniyasiga o‘tkazish haqidagi qaror qabul qilinganini xabar berdi.
Ta’kidlanishicha, bu bank sektoridagi davlat ulushini kamaytirish hamda strategik xorijiy investorlarni jalb qilish dasturi doirasida amalga oshirilgan.
Nima uchun aynan Gor Investment Ltd?
Bankning matbuot xizmatida, hamkor tanlashda samarali boshqaruvning muvaffaqiyatli tajribasi hisobga olingani, Gor Investment Ltd kompaniyasi oldin ham bank aksiyadorlaridan biri bo‘lganligi ta’kidlandi.
Gor Investment Ltd kompaniyasiga 1999-yili asos solingan. U faoliyatning ikki turi – moliyaviy xoldinglar va ochiq investitsion kompaniyalarini boshqaruvchi yopiq aksiyadorlik jamiyatdir. Rahbarlar – Stoyan Baumeyer (Shveysariya), Ornella Afina Mkrtchyan (Angliya).
2009-yili kompaniya Asia Alliance Bank’ning unga bog‘liq shaxslar ro‘yxatiga kirgan va u yerda bank milliylashtirilgunga qadar mavjud bo‘lgan.
Asia Alliance Bank bilan endi nima bo‘ladi?
Bankning tubdan o‘zgartirilishini ta’minlash, zamonaviy axborot texnologiyalar va dasturiy mahsulotlarini targ‘ib qilish, korporativ boshqaruvni takomillashtirish, kadrlar mahoratini rivojlantirish va bank pozitsiyasini xalqaro reytinglarga olib chiqish bo‘yicha chora-tadbirlar investor tomonidan davom ettirilishi bankning matbuot xizmatida ta’kidlandi.
Shuningdek, O‘zbekiston mintaqalarida gaz va kimyo, farmatsevtika hamda ta’lim sohalariga kiritilgan bevosita xorijiy investitsiyalar hisobiga moliyalashtirishning loyihaviy paketlari bank investori tomonidan shakllantirildi.
O‘zbekistonning bank sektorida nimalar yuz bermoqda?
O‘zbekistonda deyarli barcha sohalar, shu jumladan, banklarning davlat tomonidan boshqarilishi an’anaga aylangan edi. Xususiy banklar kam bo‘lgan bo‘lsa, xorijiy banklar undan ham kam edi.
2018-yili Markaziy bank O‘zbekistondagi bank sektorini kelgusida isloh qilish, shu bilan birga, xususiylashtirish bo‘yicha asosiy yo‘nalishlarni taqdim etgan edi.
Davlat o‘ziga qarashli bo‘lgan banklar sonini qisqartirishga urinmoqda, bu esa mamlakat bank tizimining rivojlanishiga imkon beradi. Bu haqida nafaqat Markaziy bank, balki davlat rahbari ham aytib o‘tgan.
Shavkat Mirziyoyev 2018-yildayoq banklar faoliyatini yaxshilash uchun banklarning ustav kapitaliga jismoniy shaxslarni va xorijdan yuqori malakali mutaxassislarni faol jalb etish bo‘yicha topshiriq bergan edi.
2019-yilda O‘zbekiston bank tizimining asosiy muammosi – uning 83 foizi davlatga tegishli ekanligi davlat rahbari tomonidan ta’kidlangan edi. Bu esa banklarning rivojlanishi va raqobatlashishiga to‘siq bo‘ladi.
Shavkat Mirziyoyev banklarning xususiylashtirilishi o‘ta muhim vazifa ekanligini, bu ish amalga oshirilmasa, o‘z navbatida, butun mamlakat rivojlanishini to‘xtatib qo‘yishini alohida ta’kidlagan edi.
Izoh (0)