“Manchester Yunayted” hujumchisi Krishtianu Ronaldu besh o‘yindan beri gol ura olmayapti.
Bu seriya portugaliyalik futbolchi uchun 2010-yildan keyingi eng yomon natija hisoblanadi. O‘shanda u “Real” safida harakat qilgan va beshta o‘yinda raqiblari darvozasini ishg‘ol eta olmagandi. Ammo bu oraliq yozgi tanaffusni ham o‘z ichiga olgandi.
Ronaldu, shuningdek, Angliya Premyer Ligasida zaxiradan maydonga tushgan so‘nggi 10 ta o‘yinning birortasida ham gol ura olmadi. Oxirgi marta u 2006-yilda bunday ko‘rsatkich qayd etgan.
Bundan tashqari, Ronaldu 2022-yilning boshidan buyon o‘z nomiga gol yoki golli uzatma yozdirib qo‘ya olgani yo‘q. Krishtianu so‘nggi bor 2021-yilning 30-dekabrida “Byornli”ga qarshi o‘yinda (3:1) gol urgandi.
Izoh (0)