Futbol bo‘yicha Angliya Premyer Ligasining 24-turidan o‘rin olgan bir qator o‘yinlar 8-fevral, seshanba kuni bo‘lib o‘tdi.
“Manchester Yunayted” jamoasi “Byornli” mehmoni bo‘ldi. Uchrashuvning 18-daqiqasida Pol Pogba mankunianliklarni hisobda oldinga olib chiqdi. 47-daqiqada “Byornli” futbolchisi Jay Rodriges muvozanatni tikladi.
Manchesterliklar ushbu durang natijadan so‘ng ochkolari sonini 39 taga yetkazib, beshinchi o‘rinda qoldi. “Byornli” esa 14 ochko bilan yigirmanchi o‘rinda bormoqda.
“Nyukasl” o‘z uyida “Everton” ustidan irodali g‘alabani qo‘lga kiritgan bo‘lsa, “Vest Hem” o‘zida “Uotford”dan ustun keldi.
APL
24-tur bahslari
8-fevral, seshanba
“Byornli” — “Manchester Yunayted” 1:1
Gollar: 0:1 – 18 Pogba, 1:1 – 47 Rodriges.“Bernli”: Poup, Roberts, Mi, Tarkovski, Piters, Vestvud, Braunxill, Maknil, Rodriges (Barnes, 89), Vegorst, Korne (Lennon, 69).
“Manchester Yunayted”: De Xea, Diogu Dalot, Varan, Maguayr, Shou, Pogba, Brunu Fernandesh, Maktominey (Lingard, 81), Kavani (Ronaldu, 68), Reshford (Elanga, 85), Sancho.
Ogohlantirishlar: Maguayr (62), Piters (74), Braunxill (77).
Izoh (0)