«Манчестер Юнайтед» ҳужумчиси Криштиану Роналду беш ўйиндан бери гол ура олмаяпти.
Бу серия португалиялик футболчи учун 2010 йилдан кейинги энг ёмон натижа ҳисобланади. Ўшанда у «Реал» сафида ҳаракат қилган ва бешта ўйинда рақиблари дарвозасини ишғол эта олмаганди. Аммо бу оралиқ ёзги танаффусни ҳам ўз ичига олганди.
Роналду, шунингдек, Англия Премьер Лигасида захирадан майдонга тушган сўнгги 10 та ўйиннинг бирортасида ҳам гол ура олмади. Охирги марта у 2006 йилда бундай кўрсаткич қайд этган.
Бундан ташқари, Роналду 2022 йилнинг бошидан буён ўз номига гол ёки голли узатма ёздириб қўя олгани йўқ. Криштиану сўнгги бор 2021 йилнинг 30 декабрида «Бёрнли»га қарши ўйинда (3:1) гол урганди.
Изоҳ (0)