Futbol bo‘yicha Italiya Kubogining 1/4 finalida “Inter” 8-fevral, seshanba kuni “Roma”ni mehmon qildi.
Uchrashuvning 2-daqiqasida Edin Jeko hisobni ochdi. 68-daqiqada Aleksis Sanches milanliklarning ikkinchi goliga mualliflik qildi.
Ushbu mag‘lubiyatdan keyin Joze Mourinyo shogirdlari chorak finaldayoq o‘z yurishini to‘xtatishga majbur bo‘ldi. “Nerazzurilar” yarim final yo‘llanmasiga ega chiqdi.
O‘zbekistonlik futbolchi Eldor Shomurodov bu o‘yinda maydonga tushmadi.
Italiya Kubogi
1/4 final bahsi
8-fevral, seshanba
“Inter” — “Roma” 2:0
Gollar: 1:0 – 2 Jeko, 2:0 – 68 Sanches.“Inter”: Handanovich, Darmian, D’Ambrozio, Shkrinyar, Bastoni (de Vrey, 45), Perishich (Dyumfris, 85), Vidal (Vesino, 85), Brozovich, Barella (Chalxono‘g‘lu, 85), Jeko (Martines, 76), Sanches.
“Roma”: Ruy Patrisiu, Karsdorp, Smolling, Manchini, Rojer (Kumbula, 46), Vinya (ash-Shaaravi, 76), Mxitaryan, Serjiu Oliveyra (Pellegrini, 70), Veretu (Kristante, 70), Zaniolo, Abraham (Afena-Gyan, 89).
Ogohalntirishlar: Zaniolo (37), Manchini (38).
Izoh (0)