Muhammad Saloh Afrika Millatlar Kubogi finalidagi mag‘lubiyatdan so‘ng jamoadoshlarini ruhlantirdi.
Ijtimoiy tarmoqlarda 29 yoshli futbolchining terma jamoadagi sheriklariga murojaati aks etgan lavha tarqaldi.
“12 kunda biz 120 daqiqadan iborat to‘rtta o‘yinda ishtirok etdik. Bu endi o‘tmish, keyingi oyda biz ular bilan yana o‘ynaymiz va revansh olamiz, Inshaalloh”, — dedi misrlik hujumchi.
Har ikkala terma jamoa Jahon Chempionati saralashining ikkinchi bosqichida o‘z guruhlariga birinchi o‘rinni egalladi va o‘tish o‘yinlariga bir-biriga to‘qnash kelib qoldi. Misr va Senegal terma jamoalari mart oyida mundial yo‘llanmasi uchun o‘zaro bahs olib boradi. Dastlabki o‘yin 23-mart kuni Qohirada, javob uchrashuvi esa 29-mart kuni Dakarda bo‘lib o‘tadi.
Afrika Millatlar Kubogining finalida Misr Senegal bilan bahs olib bordi va penaltilar seriyasida 2:4 hisobida imkoniyatni boy berdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)