Respublika Gidrometeorologiya markazi hafta davomida kuzatiladigan ob-havo ma’lumotini e’lon qildi.
Unga ko‘ra, 7-fevral, dushanba kuni respublika bo‘yicha biroz yomg‘ir va qor ko‘rinishidagi kuchsiz yog‘ingarchilik bo‘lishi ehtimoli bor. Havo harorati 2-7 daraja iliqni tashkil etadi.
8-fevral, seshanbada respublika hududiga Kavkaz hududlaridan salqin va nam havo kirib kelishi kutilmoqda. Respublika bo‘yicha ba’zi joylarda biroz yog‘ingarchilik (yomg‘ir, qor) bo‘ladi, shimolda va tog‘li hududlarda qor yog‘adi. Farg‘ona vodiysi viloyatlarida yog‘ingarchilik bo‘lishi ehtimoli kamroq.
Havo harorati 2 daraja sovuq 3 daraja iliqqacha pasayadi, kunduzi 3-8 daraja iliq atrofida bo‘ladi.
Shu kuni O‘zbekistonning aksariyat hududlarida yog‘ingarchilik bo‘ladi, faqat Toshkent, Andijon, Namangan, Farg‘ona viloyatlarida kechasi va ertalab ba’zi joylarda yog‘ingarchilik (yomg‘ir, qor) kamroq bo‘lishi mumkin. Kechasi kuchsiz sovuqlar saqlanib turadi, kunduzi esa havo harorati 7-10 daraja iliqqacha asta-sekin ko‘tarila boshlaydi.
Hafta o‘rtasidan respublika bo‘yicha ob-havo o‘zgaradi, hududlarga Eron hududlaridan juda iliq havo kirib keladi. O‘zbekiston bo‘yicha yog‘ingarchilik kutilmaydi. Havo harorati ko‘tariladi va havo haroratining me’yoriy qiymatlaridan yuqori bo‘ladi, haftaning oxiriga kelib, kunduzgi havo harorati 12-15 daraja iliqqacha, janubda 18-20 daraja iliqqacha isiydi.
Haftaning katta qismida kechasi va ertalab tuman kuzatiladi.
7—8-fevralda respublikaning tog‘li hududlarida qor ko‘chishi xavfi bor.
Izoh (0)