Xalq deputatlari Oqqo‘rg‘on tumani kengashining navbatdan tashqari sessiyasida Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari tanishtirildi. Bu haqda viloyat hokimligi matbuot xizmati xabar berdi.
Ayni paytda davom etayotgan sessiyada ma’ruza qilayotgan Toshkent viloyati hokimi vazifasini bajaruvchi Zoir Mirzayev viloyat hokimining qishloq va suv xo‘jaligi masalalari bo‘yicha birinchi o‘rinbosari ish boshlaganini ma’lum qilgan.
Bu lavozimga 2020-yil 14-yanvardan buyon shu vaqtga qadar Farg‘ona viloyatining Oltiariq tumani hokimi vazifasida ishlab kelgan Xolmirza Niyozov tayinlangan.
Eslatib o‘tamiz, 2021-yilning yanvarida Ulug‘bek Uzoqov Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari lavozimiga tayinlangandi. Noyabr oyida — Zoir Mirzayev Toshkent viloyati hokimi etib tayinlangach, Uzoqov Qashqadaryo hokimining birinchi o‘rinbosari etib tayinlangan.
Izoh (0)