Namanganda Pokistonning Lahor universiteti bilan hamkorlikda xalqaro universitet tashkil etiladi. Bu haqda “Daryo” muxbiri Azizbek Abduvaliyev xabar bermoqda.
Mazkur oliy o‘quv yurti Yangi Namangan tumanidagi 2-tibbiyot kolleji hamda sobiq diagnostika markazida joylashishi va ushbu loyihaga 10 million dollar investitsiya kiritilishi ko‘zda tutilgan.
Universitetda tibbiyot, stomatologiya, farmatsevtika, IT, xalqaro huquq va biznes yo‘nalishlari bo‘yicha fakultetlar tashkil etilishi belgilangan.
Loyiha doirasida 2022—2023-o‘quv yili 500 nafar talaba qabul qilish, 2024-yilga kelib esa ularning sonini ikki baravar oshirish rejalashtirilmoqda.
Namanganda amaliy tashrif bilan bo‘lib turgan Pokistonning Panjob viloyati gubernatori Muhammad Sarvar Namangan viloyati hokimi Shavkat Abdurazzaqov hamrohligida mazkur oliy o‘quv yurti joylashadigan binolarni ko‘zdan kechirdi hamda bu yerning yangi qiyofasi bo‘yicha fikr va tavsiyalarini bildirdi.
Izoh (0)