Madagaskar sohillariga kelib urilgan “Batsirai” bo‘roni oqibatida halok bo‘lganlar soni 20 nafarga yetdi, 55 ming aholi evakuatsiya qilingan. Bu haqda “Interfaks” xabar bergan.
Avval BMTning rasmiy vakili tabiiy ofat oqibatida 600 minggacha aholiga ziyon yetishi mumkinligi haqida ogohlantirgandi. Bo‘ron o‘n minglab odamlarni boshpanasiz qoldirgan “Ana” tropik bo‘ronidan bir necha kun o‘tgach orolga kelib urilgan.
BMT tashkilotning ijtimoiy hamkorlari bo‘ron oqibatlarini bartaraf etish va aholiga yordam berish uchun ko‘mak berishga tayyorligini xabar qilgan.Avval Fransiya telekanallarida Madagaskar mahalliy aholisining bo‘ron boshlanishi oldidan xonadonlarini mustahkamlayotgani yoki okean yaqinidagi uylaridan chiqib ketayotgani haqida telelavhalar efirga berilgan.
Izoh (0)