Limfoma — bolalarda saratonning eng keng tarqalgan turlaridan biri. Uning belgilari charchoq, isitma singari grippga xos bo‘lgan belgilarga juda o‘xshaydi.
Acıbadem Maslak shifoxonasi bolalar onkologi, professor, tibbiyot fanlari doktori Funda Chorapchioglu limfoma tananing har qanday joyida limfa tugunlarining kattalashishi, shuningdek, gepatomegaliya (jigar kattalashishi) va splenomegaliya (taloq kattalashishi) bilan birga kuzatilishi mumkinligini aytadi. Bu holat boshqa kasalliklar bilan ham kuzatilishi mumkin. Shuning uchun kattalashgan limfa tugunlari har doim ham limfomadan darak beravermaydi, ammo ularda sodir bo‘layotgan o‘zgarishlarni e’tiborsiz qoldirib bo‘lmaydi.
Diqqat! Limfomani gripp bilan adashtirish mumkin
Professor Funda Chorapchiogluning ta’kidlashicha, charchoq, isitma, ishtahaning yo‘qolishi ham limfoma, ham boshqa kasalliklar uchun xosdir. Bu tashxis qo‘yishda qiyinchiliklarga olib keladi va natijada qimmatli vaqt behuda sarf bo‘ladi. Limfa tugunlarining kattalashuvi yuqori nafas yo‘llarining infeksiyalari va gripp holatlarida yuzaga kelishi mumkin. Biroq xuddi shu belgilar limfomadan ham darak beradi. Ota-onalar xavfli alomatlarni qanchalik tez sezishsa, o‘z vaqtida tashxis qo‘yish va bolani saqlab qolish imkoniyati shunchalik katta bo‘ladi.
“Bolalarda limfa tugunlarining kattalashishi sog‘liq uchun zararsiz bo‘lishi ham, shuningdek, limfoma belgisi bo‘lishi ham mumkin. Shuning uchun har bir holatni diqqat bilan ko‘rib chiqish kerak. Bundan tashqari, tegishli test, qon tahlili, shuningdek, 2 proyeksiyada ko‘krak qafasi rentgeni, UZI, kompyuter tomografiyasi va biopsiya o‘tkaziladi. Bularning barchasi kasallikni o‘tkazib yubormay, o‘z vaqtida tashxis qo‘yish uchun yordam beradi”, — deydi bolalar onkologi Funda Chorapchioglu.
Eng muhim belgilar
Professor Funda Chorapchiogluning aytishicha, agar infeksiya isitma, vazn yo‘qotish, tungi terlash, kamqonlik va toshmalar, limfa tugunlarining 1 santimetr va undan ortiq kattalashishi bilan birga kuzatilsa, bolaning ahvoliga alohida e’tibor qaratish kerak. Agar tugunlar yumshoq, oson paypaslanadigan, harakatlanuvchan bo‘lsa, bu ularning xavfsiz ekanligini anglatadi. Harakatsiz, klaster (to‘p) hosil qiluvchi tugunlar metostatik saraton yoki limfomaning belgisi bo‘lishi mumkin.
Quyidagilarni aniq bilish muhimdir:
- kasallikning boshlanish vaqti;
- uning rivojlanayotgan yoki rivojlanmayotganligini;
- kasallik boshlanganidan beri qancha limfa tugunlari kattalashganligini.
Erta tashxis — to‘liq sog‘ayish imkoniyati
Bolalar o‘rtasidagi kasallanish statistikasi shuni ko‘rsatadiki, limfoma eng keng tarqalgan onkologik kasalliklardan biri bo‘lib, leykemiya va markaziy asab tizimining o‘smalaridan keyin uchinchi o‘rinda turadi.
Professor Funda Chorapchiogluning ta’kidlashicha, erta tashxis limfomada hayotni saqlab qoladi va davolashda to‘liq muvaffaqiyatni kafolatlaydi. Shuning uchun o‘z vaqtida tashxis qo‘yish maqsadida bolalarni chuqur tekshirish kerak.
Shifokor bolalarga sog‘lom, muvozanatlashtirilgan ovqatlanish, muntazam jismoniy mashqlar qilishni o‘rgatishni tavsiya etadi. Shuningdek, ular chekish joylarida bo‘lmasliklari kerak.
Lekin eng asosiysi, o‘z vaqtida o‘tkazilgan tekshiruvdir. Buni Acıbadem Maslak shifoxonasining tajribali mutaxassislari amalga oshirishi mumkin.
Acıbadem Maslak
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk Ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (0)