Olmaliq kon-metallurgiya kombinatida mahalliylashtirish dasturi doirasida belgilangan vazifalar samarali amalga oshirilib kelinmoqda.
Jumladan, 2022-yilning yanvar oyida OKMKda 53 ta loyiha bo‘yicha 14.3 milliard so‘mlik mahalliylashtirilgan mahsulotlar ishlab chiqarilib, reja 106.5 foizga bajarildi.
Kombinat korxonalari kesimida olib qaraydigan bo‘lsak, Markaziy ta’mirlash mexanika zavodida 10,4 milliard so‘mlik, Nodir metallar va qattiq qotishmalarni ishlab chiqarish bo‘yicha ilmiy ishlab chiqarish birlashmasida 2,2 milliard so‘mlik mahsulot ishlab chiqarilgan.
Shuningdek, rux zavodida 1,7 milliard so‘mlik mahsulot tayyorlanib, 53,3 ming dollarlik texnik rux sulfati eksport qilingan.
Dastur doirasida 2022-yilda kombinat oldiga bir qator muhim vazifalar ham qo‘yilgan. Xususan, O‘zbekiston Respublikasi Prezidentining 2022-yil 24-yanvardagi “Respublikada ishlab chiqarishni rivojlantirish va sanoat kooperatsiyasini kengaytirishning samarali tizimini yaratish chora-tadbirlari to‘g‘risida”gi 99-sonli qarori ijrosi bo‘yicha kombinatda 2022-yil uchun 97 ta loyiha doirasida 208,7 milliard so‘mlik mahalliylashtirilgan mahsulotlarni ishlab chiqarish prognozi tasdiqlangan. Ushbu loyihalar bo‘yicha tarmoq jadvali ishlab chiqilib, tasdiqlandi.
Ma’lumot sheriklik huquqi asosida tayyorlandi.
Izoh (0)