Лимфома — болаларда саратоннинг энг кенг тарқалган турларидан бири. Унинг белгилари чарчоқ, иситма сингари гриппга хос бўлган белгиларга жуда ўхшайди.
Acıbadem Maslak шифохонаси болалар онкологи, профессор, тиббиёт фанлари доктори Фунда Чорапчиоглу лимфома тананинг ҳар қандай жойида лимфа тугунларининг катталашиши, шунингдек, гепатомегалия (жигар катталашиши) ва спленомегалия (талоқ катталашиши) билан бирга кузатилиши мумкинлигини айтади. Бу ҳолат бошқа касалликлар билан ҳам кузатилиши мумкин. Шунинг учун катталашган лимфа тугунлари ҳар доим ҳам лимфомадан дарак беравермайди, аммо уларда содир бўлаётган ўзгаришларни эътиборсиз қолдириб бўлмайди.
Диққат! Лимфомани грипп билан адаштириш мумкин
Профессор Фунда Чорапчиоглунинг таъкидлашича, чарчоқ, иситма, иштаҳанинг йўқолиши ҳам лимфома, ҳам бошқа касалликлар учун хосдир. Бу ташхис қўйишда қийинчиликларга олиб келади ва натижада қимматли вақт беҳуда сарф бўлади. Лимфа тугунларининг катталашуви юқори нафас йўлларининг инфекциялари ва грипп ҳолатларида юзага келиши мумкин. Бироқ худди шу белгилар лимфомадан ҳам дарак беради. Ота-оналар хавфли аломатларни қанчалик тез сезишса, ўз вақтида ташхис қўйиш ва болани сақлаб қолиш имконияти шунчалик катта бўлади.
«Болаларда лимфа тугунларининг катталашиши соғлиқ учун зарарсиз бўлиши ҳам, шунингдек, лимфома белгиси бўлиши ҳам мумкин. Шунинг учун ҳар бир ҳолатни диққат билан кўриб чиқиш керак. Бундан ташқари, тегишли тест, қон таҳлили, шунингдек, 2 проексияда кўкрак қафаси рентгени, УЗИ, компьютер томографияси ва биопция ўтказилади. Буларнинг барчаси касалликни ўтказиб юбормай, ўз вақтида ташхис қўйиш учун ёрдам беради», — дейди болалар онкологи Фунда Чорапчиоглу.
Энг муҳим белгилар
Профессор Фунда Чорапчиоглунинг айтишича, агар инфекция иситма, вазн йўқотиш, тунги терлаш, камқонлик ва тошмалар, лимфа тугунларининг 1 сантиметр ва ундан ортиқ катталашиши билан бирга кузатилса, боланинг аҳволига алоҳида эътибор қаратиш керак. Агар тугунлар юмшоқ, осон пайпасланадиган, ҳаракатланувчан бўлса, бу уларнинг хавфсиз эканлигини англатади. Ҳаракатсиз, кластер (тўп) ҳосил қилувчи тугунлар метостатик саратон ёки лимфоманинг белгиси бўлиши мумкин.
Қуйидагиларни аниқ билиш муҳимдир:
- касалликнинг бошланиш вақти;
- унинг ривожланаётган ёки ривожланмаётганлигини;
- касаллик бошланганидан бери қанча лимфа тугунлари катталашганлигини.
Эрта ташхис — тўлиқ соғайиш имконияти
Болалар ўртасидаги касалланиш статистикаси шуни кўрсатадики, лимфома энг кенг тарқалган онкологик касалликлардан бири бўлиб, лейкемия ва марказий асаб тизимининг ўсмаларидан кейин учинчи ўринда туради.
Профессор Фунда Чорапчиоглунинг таъкидлашича, эрта ташхис лимфомада ҳаётни сақлаб қолади ва даволашда тўлиқ муваффақиятни кафолатлайди. Шунинг учун ўз вақтида ташхис қўйиш мақсадида болаларни чуқур текшириш керак.
Шифокор болаларга соғлом, мувозанатлаштирилган овқатланиш, мунтазам жисмоний машқлар қилишни ўргатишни тавсия этади. Шунингдек, улар чекиш жойларида бўлмасликлари керак.
Лекин энг асосийси, ўз вақтида ўтказилган текширувдир. Буни Acıbadem Maslak шифохонасининг тажрибали мутахассислари амалга ошириши мумкин.
Acıbadem Maslak
Туркиядаги Acıbadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин.
Тошкент шаҳри, Мирзо Улуғбек тумани, Буюк Ипак йўли мавзеси, 19 уй
Телефон: +99895 144 54 45
Шунингдек, расмий сайт www.acibadem.com.ru орқали барча керакли маълумотларга эга бўлишингиз мумкин.
Реклама ҳуқуқи асосида.
Изоҳ (0)