Kilian Mbappening “Real”da qancha maosh olishi ma’lum bo‘ldi. U jahonning eng ko‘p maosh oluvchi futbolchisiga aylanadi

“PSJ” hujumchisi 2022-yilning yozida “Real” bilan shartnoma imzolaydi.

90min xabarga ko‘ra, fransuz Madrid jamoasi bilan kelishuvga erishgan va 2021/22-yilgi mavsum so‘ngida erkin agent sifatida parijliklar safini tark etadi. 23 yoshli futbolchi “qaymoqranglilar” safida soliqlar bilan qo‘shib hisoblaganda yiliga 50 million yevro maosh oladi. Bu uni dunyoning eng ko‘p maosh oluvchi futbolchisiga aylantiradi.

Qayd etilishicha, Mbappening “qirollik klubi”ga o‘tgani haqidagi xabar Chempionlar Ligasining 1/8 finali doirasidagi “Real” va “PSJ” o‘yinidan so‘ng rasman e’lon qilinadi.

Ma’lumot uchun, Kilian Mbappe parijliklar safida 2021/22-yilgi mavsum Fransiya chempionatida 20 ta o‘yinda 10 ta gol urdi.