Frenk Lempard “Everton” bilan shartnoma imzoladi. Bu haqda jamoa rasmiy sayti ma’lum qildi.
Ingliz mutaxassisi mersisaydliklar bilan 2024-yilga qadar mo‘ljallangan shartnomaga imzo chekdi. Lempard jamoani yarim yil davomida boshqargan Rafael Benitesning o‘rnini egalladi.
43 yoshli Lempard 2021-yil yanvar oyida “Chelsi” jamoasidan iste’foga chiqqanidan buyon ishsiz edi. Frenk 2018-yildan 2019-yilga qadar “Derbi Kaunti”, 2019—2021-yillarda es “Chelsi” bosh murabbiyi lavozimida faoliyat olib borgan.
Avvalroq “Everton”ning bosh murabbiylikka nomzod sifatida Lemparddan tashqari Joze Mourinyo, Ueyn Runi va Jennaro Gattuzo kabi mutaxassislar variantini ko‘rib chiqayotgani haqida xabar berilgandi.
“Everton” 2021/22-yilgi mavsumda 19 ochko bilan APL jadvalida 16-o‘rinni egallab turibdi.
Izoh (0)