Yarim himoyachi Sardor Rashidov faoliyatini “Paxtakor”da davom ettiradi.
Toshkent klubi matbuot xizmatiga ko‘ra, Rashidov bilan bir yillik shartnoma imzolangan, u 2022-yilgi mavsum so‘ngiga qadar “sherlar” sharafini himoya qiladi.
Eslatib o‘tamiz, 30 yoshli futbolchi 2021-yilning yozida “Paxtakor”ni tark etgandi. O‘shanda u Kuvaytning “Kuvayt SK” klubi bilan bir yillik shartnoma imzolagandi. Biroq uning Kuvayt klubi bilan shartnomani muddatidan bekor qilgani va erkin agentga aylangani ma’lum bo‘ldi.
Sardor bungacha “Al-Jaish” (Qatar), “Al-Jazira” (BAA), “Nasional” (Portugaliya) va “Qatar SK” (Qatar) kabi xorij klublarida faoliyat yuritgan. O‘zbekistonda esa u “Paxtakor”dan tashqari “So‘g‘diyona”, “Bunyodkor” va “Lokomotiv” sharafini himoya qilgan.
Rashidov Superliganing 2021-yilgi mavsumida “Paxtakor” safida 5 o‘yin o‘tkazib, 2 ta gol va 3 ta golli uzatmaga mualliflik qilgandi.
Izoh (0)