Fantastikani sevuvchi tomoshabinlar uchun kino olamida faqatgina “Garri Potter” franshizasi emas, balki bir-biridan ajoyib sujetga ega filmlar mavjud. Ularning bir qanchasini e’tiboringizga havola etamiz.
“Doktor Strenj”
Ehtimol, bu reytingdagi eng mashhur filmlardan biridir. Britaniyalik aktyor Benedikt Kamberbetch o‘ynagan Doktor Stiven Strenj “Garri Potter”ning eskiroq va ancha kuchli versiyasiga o‘xshaydi. Hogvartsning blokbasterdagi o‘rnini sirli Tibet ibodatxonasi egallaydi, u yerga bosh qahramon o‘z qo‘llarini davolatish uchun keladi. Natijada u qadimiy g‘ayritabiiy kuchlarga ega bo‘ladi va Yer yuzida yashovchi eng kuchli sehrgarga aylanadi. Umuman olganda, “Doktor Strenj”ning sujeti klassik fantaziyaga boy voqealar bilan rivojlanadi: Stiven dono murabbiyga aylanadi, dahshatli raqibga duch keladi hamda sodiq do‘stlar topadi.
“Peregrin xonim uyining g‘ayrioddiy bolalari” (2016)
Tim Bertonning “Peregrin xonim uyining g‘ayrioddiy bolalari” filmi sehrli elementlar bilan noan’anaviy fantaziya izlayotganlar uchun ayni muddao. Sujet markazidan ajoyib kuchga ega o‘smirlar guruhi joy olgan. Ularning barchasi sirli Peregrin xonimning (Eva Grin) qandaydir yashirin joyda joylashgan va dunyoning qolgan qismiga ko‘rinmaydigan uyida paydo bo‘ladi. Peregrin xonimning talabalarga bo‘lgan samimiy mehr-muhabbati Dambldorning Hogvarts talabalariga bo‘lgan munosabati bilan juda o‘xshash. Eysi Batterfildning aktyorlik mahorati esa Redkliffnikidan hech ham kam emas.
“Soatli uy siri” (2018)
“Soatli uy siri” komedik fantaziyasi bosh qahramonining hikoyasi ko‘p jihatdan Garri Potterning tarjimayi holiga mos keladi. Ota-onasi avtohalokatda fojiali vafot etganidan so‘ng 10 yoshli Lyuis Barnavelt (Ouen Vakkaro) Michigan shtatida amakisi Jonatan bilan yashashga keladi. Yaxshiyamki, bu amaki Vernon Dursliga umuman o‘xshamaydi. U ko‘proq Garri Potterning cho‘qintirgan otasi Sirius Blekni eslatadi. Jonatan rolini Jek Blek ijro etgani ham bejiz emas. Ma’lum bo‘lishicha, amakisi aslida sehrgar va dunyoning oxirini to‘xtatishga harakat qilmoqda, bunda unga Keyt Blanshett timsolidagi maftunkor jodugar yordam beradi. Yo‘lda Lyuis ham sehrgarlikni o‘rganishni boshlaydi va beixtiyor yovuzlikning uxlab yotgan kuchlarini uyg‘otib yuboradi.
“Bo‘lajak qirol”
Qirol Artur haqidagi afsonaga asoslangan yana bir epik fantaziya. Shu bilan birga, film voqealari zamonaviy dunyoda sodir bo‘ladi: 12 yoshli bolakay Aleks (Luis Eshborn Serkis) tasodifan afsonaviy Ekskaliburni topib oladi va o‘z o‘rniga o‘rinbosar izlayotgan Merlin e’tiborini tortadi. Garri Potterdan farqli o‘laroq, Aleks butunlay oddiy taqdirga ega va bir qarashda e’tiborga olinmaydigan bola. Voqealar rivojiga qaramay, qahramon kamdan kam uchraydigan olijanoblik va samimiy mehr-oqibatni namoyon etadi, bu pirovardida ustozi tomonidan mehr va hurmatga sazovor bo‘ladi.
“Kichik jodugar” (1989)
“Kichik jodugar” 1989-yilda suratga olingan. Bosh qahramon 15 yoshli o‘rta maktab o‘quvchisi Luiza Miller bo‘lib, u o‘ziga kuchli jodugarning ruhi ko‘chib o‘tganligini tasodifan bilib oladi. Qiz sirli tumorni topadi va undan istaklarini amalga oshiradigan mo‘jizaviy kuchlarni oladi. Tabiiyki, voqealarning bunday rivojlanishi yaxshilikka olib kelmaydi, Luizaning jodugarlikdan hafsalasi pir bo‘lib qoladi va oddiy amerikalik maktab o‘quvchisi hayotida yashashga qaror qiladi. Agar Garri Potter “Feniks ordeni” voqealaridan keyin Hogvartsga qaytishdan bosh tortganida, shunga o‘xshash narsa sodir bo‘lishi mumkin edi.
“Jodugarlik” (1996)
Film voqeasi g‘alati marosim yordamida o‘zlarining ezgu orzularini ro‘yobga chiqarishga harakat qilayotgan to‘rt nafar o‘rta maktab qizlari atrofida sodir bo‘ladi. Filmning “Garri Potter” bilan deyarli o‘xshashligi yo‘q. Ammo ikkita asosiy qahramonning jangi beixtiyor Griffindor va Slizerin o‘rtasidagi abadiy qarama-qarshilikka o‘xshaydi. Qanday bo‘lmasin, “Jodugarlik” filmi qora afsun o‘yinlarga olib kelishi mumkin bo‘lgan ajoyib misoldir.
“Persi Jekson va chaqmoq o‘g‘risi” (2010)
Bir necha yil oldin Rik Riordanning mashhur fantaziya romanlari seriyasi “Garri Potter” kitoblari bilan raqobatlasha oldi. Afsuski, filmlar haqida bunday deb bo‘lmaydi. Biroq “Persi Jekson va chaqmoq o‘g‘risi”da ham sehrli maktab, turli xil afsonaviy yirtqich hayvonlar va ajoyib xarizmatik belgilar mavjud. Eng muhimi, mazkur film amerikalik rejissor Kris Kolumb tomonidan suratga olingan.
Izoh (0)