Mashhur insonlar ustalik bilan “yashirilgan” fimlar (foto)

Filmlarda shunday rollar bo‘ladiki, kadrda mashhur aktyorlarni ularning eng ashaddiy muxlislari ham taniy olmaydi.

AdMe nashri rejissorlar o‘z kartinalarida aktyorlarni mohirlik bilan o‘zgartirgan filmlar to‘plamini e’tiboringizga havola qiladi.

Jeff Bezos — “Startrek: Cheksizlik”

Jeff Bezosni kosmik flot a’zosi sifatida tanib olishning iloji yo‘q, ammo qalin grimm qatlami ortida haqiqatan ham Amazon asoschisi turibdi. Biznesmen “Startrek” franshizasining ashaddiy muxlisi, shuning uchun filmda, hatto juda kichik epizodda bo‘lsa ham suratga tushish uning uchun sharaf edi.

Kris Ayzek — “Qo‘zichoqlar sukunati”

“Yovuz o‘yin” filmi bilan tanilgan amerikalik musiqachi Kris Ayzek shov-shuvli trillerda kichik rolda maxsus kuchlar qo‘mondoni (Gannibal Lekterni qo‘riqlagan) obrazini yaratgan.

Ledi Gaga — “Qora kiyimdagi odamlar-3”

Aktrisa sifatida dunyo tan olinishidan ancha oldin Ledi Gaga filmlarda ko‘proq epizodik rollarni o‘ynagan. 2012-yilda qo‘shiqchi bir lahzaga o‘zga sayyoralikni o‘zida mujassam etgan “Qora kiyimdagi odamlar”ning uchinchi qismi kadrida paydo bo‘ldi. Buning uchun u tashqi qiyofasini o‘zgartirishi shart emas edi.

Iggi Pop — “Marhum”

Iggi Popning filmografiyasi bir nechta filmlarni o‘z ichiga oladi. Ammo rok yulduzi Jim Jarmush filmidagi voiz roli bilan muxlislarni hayratda qoldirishga muvaffaq bo‘ldi.

Martin Skorseze — “Beg‘uborlik davri”

Rejissorlar ko‘pincha o‘z filmlarini o‘zlarining ishtiroki bilan to‘ldirishadi. Martin Skorseze ham bundan quruq qolmadi: melodrama sahnalaridan birida fotograf rolini o‘ynadi.

Teylor Svift — “C.S.I.: Jinoyat joyi”

Xonanda 2009-yilda detektiv serialning epizodlaridan birida o‘smir qiz rolini o‘ynagan, u noodatiy qiyofa — qorasoch qiz sifatida ekranda paydo bo‘lgan.

Mik Jagger — “Beyker ko‘chasidagi talonchilik”

Mik Jaggerning “Beyker ko‘chasidagi talonchilik” jinoiy trilleridagi obrazi eng kamtarin roldir. Musiqachi kadrda bir necha soniyagagina paydo bo‘lgan bank xodimini o‘ynagan.

Cardi B — “Forsaj-9”

Franshizaning so‘nggi filmidagi Cardi B roli kichik bo‘lsa-da, ammo juda yorqin. Xip-xop xonandasi Dominikning azaliy do‘sti Leysi rolini o‘ynagan.

Riki Martin — “Amerikancha jinoyat tarixi”

Janni Versachening sirli o‘ldirilishiga bag‘ishlangan serialning ikkinchi mavsumida qo‘shiqchi qayg‘uga botgan modelyer va dizaynerning yaqin do‘sti Antonio D’Amiko obrazida ko‘rinish berdi. Aytib o‘tish kerakki, Martin o‘z vazifasini a’lo darajada bajargan.

Kristina Agilera — “Zoi”

“Zoi” ilmiy-fantastik dramasidagi Jevels ismli android roli Kristinaning kinokaryerasidagi ikkinchisi bo‘ldi. Qo‘shiqchining filmda Yuen Makgregor va Lea Seydu kabi ekran yulduzlari bilan birgalikda rol ijro etdi.

Stiven King — “U-2”

“Dahshatlar qiroli” ko‘pincha o‘zining kitoblari asosida ekranlashtirilgan filmlarda ko‘rinish beradi. “U-2” filmida uni bolalar velosipedini sotib olgan antiqa buyumlar do‘koni egasi Bill Donbro rolida ko‘rish mumkin.