So‘nggi kunlarda sodir bo‘lgan yo‘l-transport hodisalari tafsilotlarini taqdim etamiz.
Namanganda Epica ag‘darildi
2022-yil 13-yanvar kuni soat 15:30 lar chamasi 4R-112 Namangan–Pop avtomobil yo‘lining 70-kilometrida Epica avtomobili boshqaruvini yo‘qotib, yo‘l chetiga ag‘darilgan.
Oqibatda haydovchi shifoxonaga yotqizilgan.
Chustda Lacetti pastlikka tushib ketdi
Namangan viloyati Chust tumanida 14-yanvar kuni soat 09:30 larda Lacetti avtomobili Pop—Namangan yo‘nalishi bo‘ylab harakatlanib ketayotib boshqaruvni yo‘qotib, yo‘lning o‘ng chetidagi temir to‘siqqa urilib pastlikka tushib ketgan.
Oqibatda haydovchi va yo‘lovchi tan jarohati olib shifoxonaga murojaat qilgan.
Andijonda Damas yonib ketdi
Dastlabki ma’lumotlarga ko‘ra, 2022-yil 26-yanvar kuni soat 09:20 larda Andijon viloyati Xo‘jaobod tumani hududidan o‘tuvchi A-373 avtomobil yo‘lining 450-kilometrida haydovchi A.M. (1974-yilda tug‘ilgan) Damas rusumli avtomobilda harakatlanayotgan vaqtda transport vositasining dvigatel qismida qisqa tutashuv sodir bo‘lib, haydovchi avtomobilni zudlik bilan to‘xtatgan.
Qisqa tutashuv ortidan yong‘in yuzaga kelgan. Yong‘in o‘t o‘chiruvchilar tomonidan bartaraf etilgan. Yong‘in natijasida tan jarohati olgan fuqarolar yo‘q.
Mazkur hodisa yuzasidan tuman FVB va YHXB xodimlari tomonidan surishtiruv olib borilmoqda.
Toshkentda 3 mashina o‘zaro to‘qnashdi
2022-yil 26-yanvar kuni soat 11:30 larda Toshkent shahar Yunusobod tumani Chingiz Aytmatov va KHAY ko‘chalari kesishgan chorrahada haydovchi B.X. (1997-yilda tug‘ilgan) boshqaruvidagi Lacetti hamda haydovchi S.Z. (1998-yilda tug‘ilgan) boshqaruvidagi “VAZ-2101” rusumli va haydovchi M.U. (1995-yilda tug‘ilgan) boshqaruvidagi Damas rusumli avtomobillar ishtirokida to‘qnashuv sodir bo‘lgan.
Hodisa natijasida tan jarohati olgan fuqarolar yo‘q.
Mazkur YTH yuzasidan Toshkent shahar IIBB YHXB xodimlari tomonidan surishtiruv harakatlari olib borilmoqda.
Izoh (0)