Сўнгги кунларда содир бўлган йўл-транспорт ҳодисалари тафсилотларини тақдим этамиз.
Наманганда Epica ағдарилди
2022 йил 13 январь куни соат 15:30 лар чамаси 4Р-112 Наманган–Поп автомобиль йўлининг 70-километрида Epica автомобили бошқарувини йўқотиб, йўл четига ағдарилган.
Оқибатда ҳайдовчи шифохонага ётқизилган.
Чустда Lacetti пастликка тушиб кетди
Наманган вилояти Чуст туманида 14 январь куни соат 09:30 ларда Lacetti автомобили Поп—Наманган йўналиши бўйлаб ҳаракатланиб кетаётиб бошқарувни йўқотиб, йўлнинг ўнг четидаги темир тўсиққа урилиб пастликка тушиб кетган.
Оқибатда ҳайдовчи ва йўловчи тан жароҳати олиб шифохонага мурожаат қилган.
Андижонда Damas ёниб кетди
Дастлабки маълумотларга кўра, 2022 йил 26 январь куни соат 09:20 ларда Андижон вилояти Хўжаобод тумани ҳудудидан ўтувчи А-373 автомобиль йўлининг 450-километрида ҳайдовчи А.М. (1974 йилда туғилган) Damas русумли автомобилда ҳаракатланаётган вақтда транспорт воситасининг двигатель қисмида қисқа туташув содир бўлиб, ҳайдовчи автомобилни зудлик билан тўхтатган.
Қисқа туташув ортидан ёнғин юзага келган. Ёнғин ўт ўчирувчилар томонидан бартараф этилган. Ёнғин натижасида тан жароҳати олган фуқаролар йўқ.
Мазкур ҳодиса юзасидан туман ФВБ ва ЙҲХБ ходимлари томонидан суриштирув олиб борилмоқда.
Тошкентда 3 машина ўзаро тўқнашди
2022 йил 26 январь куни соат 11:30 ларда Тошкент шаҳар Юнусобод тумани Чингиз Айтматов ва КҲАЙ кўчалари кесишган чорраҳада ҳайдовчи Б.Х. (1997 йилда туғилган) бошқарувидаги Lacetti ҳамда ҳайдовчи С.З. (1998 йилда туғилган) бошқарувидаги «ВАЗ-2101» русумли ва ҳайдовчи М.У. (1995 йилда туғилган) бошқарувидаги Damas русумли автомобиллар иштирокида тўқнашув содир бўлган.
Ҳодиса натижасида тан жароҳати олган фуқаролар йўқ.
Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув ҳаракатлари олиб борилмоқда.
Изоҳ (0)