IMMAF—2021. O‘zbekiston MMA terma jamoasining 5 nafar vakili Jahon chempionati chorak finaliga chiqdi

BAAning Abu-Dabi shahrida havaskor MMA bo‘yicha IMMAF—2021 Jahon chempionati bo‘lib o‘tmoqda.

24 va 25-yanvar kunlaridagi janglardan keyin besh nafar o‘zbekistonlik sportchi chorak final yo‘llanmasiga ega chiqdi. Seshanba kuni Jamshid Tillayev bolgariyalik raqibini mag‘lub etgan bo‘lsa, Munis Mo‘minjonov yana bir Bolgariya vakilini bo‘g‘ish usuli bilan taslim etdi. Mahmud Odilovning raqibi esa jangga chiqishdan bosh tortdi.

Odil Sayfuddinov, Laziz Abdusalimov va Yodgor Karimov esa o‘z ishtirokini nimchorak final bosqichidayoq yakunladi.

26-yanvar kuni chorak final bahslarida ishtirok etadigan O‘zbekiston vakillari:

Kattalar

• +120 kg: Ixtiyor Xolmurodov — Talgat Jiyentiyev (Qozog‘iston)

• -56,7 kg: Jamshid Tillayev — Muhammad Salohiddinov (Tojikiston)
• -65,8 kg: Mahmud Odilov — Andrey Stoain (Ukraina)
• -93 kg: Muhsin Mo‘minjonov — Milen Fetov (Bolgariya)
• -120 kg: Asror Anvarjonov — Nuradil Kairbergenulu (Qozog‘iston).