Italiya terma jamoasi murabbiylar shtabi yanvar oyidagi yig‘inlar uchun kengaytirilgan tarkibni e’lon qildi.
Roberto Manchini “Adana Demirspor” hujumchisi Mario Balotellini ham qaydnomaga kiritdi. Qayd etish kerak, 31 yoshli hujumchi 2018-yilning sentabr oyidan buyon terma jamoada o‘ynamayotgandi.
Avvalroq Balotellining 4 yillik tanaffusdan keyin terma jamoaga chaqirilishi haqida xabar berilgandi. Terma jamoadagi debtyutini 2010-yilda o‘tkazgan Balotelli 2018-yilgacha 36 o‘yinda 14 ta golni o‘z hisobiga yozdirib qo‘ygan.
Balotelli 2021-yildan beri Turkiyaning “Adana Demirspor” klubi sharafini himoya qilib kelmoqda. 2021/22-yilgi mavsumda u barcha musobaqalar doirasida 20 ta o‘yinda maydonga tushib, 8 ta gol va 4 ta golli uzatmaga mualliflik qildi.
Eslatib o‘tamiz, Italiya terma jamoasi JCh—2022 saralashi Yevropa mintaqasida C guruhida Shveysariyadan keyin 2-o‘rinni egalladi. Endilikda jamoa o‘tish o‘yinlarida qatnashadi.
Italiya terma jamoasining yanvar oyidagi yig‘inga chaqirilgan to‘liq tarkibi:
Darvozabonlar: Marko Karnezekki (“Kremoneze”), Alessio Krano (“Kalyari”), Aleks Meret (“Napoli”), Salvatore Sirigu (“Jenoa”).
Himoyachilar: Alessandro Bastoni (“Inter”), Kristiano Biragi (“Fiorentina”), Davide Kalabriya (“Milan”), Jorjo Kyellini, Mattia De Shilo, Luka Pellegrini (uchalasi – “Yuventus”), Jovanni Di Lorenso (“Napoli”), Alessandro Florensi (“Milan”), Luis Felipe (“Latsio”), Janluka Manchini (“Roma”), Jorjo Skalvini, Rafael Toloi (ikkisi – “Atalanta”).
Yarim himoyachilar: Nikolo Barella, Stefano Sensi (ikkalasi ham “Inter”), Brayan Kristante (“Roma”), Nikolo Fajoli (“Kremoneze”), Davide Frattezi (“Sassuolo”), Manuel Lokatelli (“Yuventus”), Matteo Pessina (“Atalanta”), Samuele Richchi (“Empoli”), Sandro Tonali (“Milan”).
Hujumchilar: Mario Balotelli (“Adana Demirspor”), Domeniko Berardi, Jakomo Raspadori, Janluka Skamakka (uchalasi – “Sassuolo”), Federiko Bernardeski (“Yuventus”), Chiro Immobile (“Latsio”), Lorenso Insinye (“Napoli”), Joao Pedro (“Kalyari”), Mattia Zakkanyi (“Latsio”), Nikolo Zaniolo (“Roma”).
Izoh (0)