“Sevilya” klubi “Manchester Yunayted” hujumchisi Antoni Marsyal transferini e’lon qildi.
26 yoshli fransuz ispan jamoasiga ijara asosida o‘tdi. Ijara muddati 2021/22-yilgi mavsum so‘ngiga qadar mo‘ljallangan. Avval xabar qilinganidek, Andalusiya jamoasi futbolchi ijarasi uchun 5 million yevro to‘lab beradi.
Marsyal “Sevilya”da 22-raqamda harakat qiladi. Futbolchining taqdimot marosimi tez orada bo‘lib o‘tishi kutilmoqda.
Antoni 2021/22-yilgi mavsumda APL doirasida 8 ta o‘yinda maydonga tushib, bitta gol muallifiga aylangan.
Fransiyalik hujumchi 2015-yil yozida “Monako” safidan “Manchester Yunayted”ga o‘tgandi. Mankunianliklar hujumchi transferi uchun 60 million yevro sarflagan.
Izoh (0)