IMMAF—2021. Ўзбекистон MMA терма жамоасининг 5 нафар вакили Жаҳон чемпионати чорак финалига чиқди

БААнинг Абу-Даби шаҳрида ҳаваскор MMA бўйича IMMAF—2021 Жаҳон чемпионати бўлиб ўтмоқда.

24 ва 25 январь кунларидаги жанглардан кейин беш нафар ўзбекистонлик спортчи чорак финал йўлланмасига эга чиқди. Сешанба куни Жамшид Тиллаев болгариялик рақибини мағлуб этган бўлса, Мунис Мўминжонов яна бир Болгария вакилини бўғиш усули билан таслим этди. Маҳмуд Одиловнинг рақиби эса жангга чиқишдан бош тортди.

Одил Сайфуддинов, Лазиз Абдусалимов ва Ёдгор Каримов эса ўз иштирокини нимчорак финал босқичидаёқ якунлади.

26 январь куни чорак финал баҳсларида иштирок этадиган Ўзбекистон вакиллари:

Катталар

• +120 кг: Ихтиёр Холмуродов — Талгат Жиентиев (Қозоғистон)

• -56,7 кг: Жамшид Тиллаев — Муҳаммад Салоҳиддинов (Тожикистон)
• -65,8 кг: Маҳмуд Одилов — Андрей Стоаин (Украина)
• -93 кг: Муҳсин Мўминжонов — Милен Фетов (Болгария)
• -120 кг: Асрор Анваржонов — Нурадил Каирбергенулу (Қозоғистон).