Futbol bo‘yicha Italiya A Seriyasining 22-turidan o‘rin olgan “Milan” va “Spetsiya” o‘rtasidagi uchrashuv (1:2) bosh hakami Marko Serra bellashuv so‘ngida yo‘l qo‘ygan xatosidan qattiq tushkunlikka tushgan.
Hakam uchrashuvning oxirgi daqiqalarida milanliklar yarim himoyachisi Junior Messiasning golini hisobga olmadi, u yarim himoyachining zarbasi oldidan hushtak chalib, to‘p jamoada qolganiga qaramay, milanliklar foydasiga jarima zarbasi belgilagandi.
O‘yindan so‘ng hakam milanliklardan uzr so‘ragan va kiyim almashtirish xonasida yig‘lab yuborgan. Zlatan Ibrahimovich boshchiligidagi “Milan”ning bir guruh futbolchilari esa hakamga tasalli berib, uni qo‘llab-quvvatlagan.
Shuningdek, Italiya hakamlar assotsiatsiyasi ham “Milan”dan Markoning xatosi uchun uzr so‘radi va Serra chempionat doirasida kamida ikki turga chetlashtirilishini ma’lum qildi.
Ma’lumot uchun, Stefano Pioli jamoasi 22-turdan keyin peshqadam “Inter”dan (50) 2 ochkoga ortda qolgan holda 2-o‘rinda bormoqda.
Izoh (0)