Shveysariyaning Syurix shahrida 17-yanvar, dushanba kuni The Best sovrinlarini topshirish marosimi o‘tkazildi.
Barcha sovrindorlar aniqlangach, Portugaliya terma jamoasi va “Manchester Yunayted” hujumchisi Krishtianu Ronalduga FIFAning maxsus sovrini topshirildi.
2021-yilda terma jamoalar miqyosidagi gollari soni bo‘yicha rekordni yangiladi. Sentabr oyida Ronaldu Portugaliya termasidagi gollari sonini 111 taga yetkazgan holda Ali Dayining (109) afsonaviy rekordini ortda qoldirib, terma jamoalar tarixidagi eng yaxshi to‘purarga aylangandi.
Unga ushbu sovrinni FIFA prezidenti Janni Infantinoning shaxsan o‘zi topshirdi. Qayd etish kerak, marosim epidemiologik vaziyat sabab onlayn rejimda va minimal ishtirokchilar bilan o‘tkazildi. Ronaldudan boshqa barcha sovrindorlar onlayn tabriklangan.
Izoh (0)