Futbol bo‘yicha Italiya chempionatining 22-turidan o‘rin olgan bir qator uchrashuvlar 17-yanvar, dushanba kuni bo‘lib o‘tdi.
“Milan” o‘z uyida “Spetsiya”ni mehmon qildi. Birinchi bo‘lim so‘ngida Rafael Leau milanliklarni hisobda oldinga olib chiqqan bo‘lsa, 64-daqiqada Kevin Agudelo muvozanatni tikladi. 90+6-daqiqida esa Emmanuel Gyasi “Spetsiya”ga g‘alaba keltirgan golga mualliflik qildi.
Shu tariqa Stefano Pioli shogirdlari o‘z maydonida kechgan bahsda alamli mag‘lubiyatni qabul qilib oldi.
Milanliklar ushbu mag‘lubiyatdan so‘ng 48 ochko bilan ikkinchi o‘rinda qoldi. Jamoa birinchi o‘ringa ko‘tarilish imkonini qo‘ldan chiqardi. “Spetsiya” esa ochkolari sonini 22 taga yetkazib, o‘n to‘rtinchi o‘ringa ko‘tarilib oldi.
“Napoli” safarda Irving Losanoning dubli evaziga “Bolonya” ustidan g‘alaba qozondi. Neapolliklar 46 ochko jamg‘arib, uchinchi o‘rinda bormoqda, “Bolonya” 27 ochko bilan o‘n uchinchi pog‘onadan joy olgan.
A Seriya
22-tur bahslari
17-yanvar, dushanba
“Milan” — “Spetsiya” 1:2
Gollar: 1:0 – 45 Rafael Leau, 1:1 – 64 Agudelo, 1:2 — 90+6 Emmanuel Gyasi.“Milan”: Menyan, Florensi (Kalabriya, 70), Gabbiya, Kalulu, Ernandes, Bakayoko, Krunich, Salemakers (Junior Messias, 57), Ibrahimovich, Rafael Leau (Rebich, 84), Braim Dias (Jiru, 70).
“Spetsiya”: Provedel, Amyan, Nikolau, Erlich, Bastoni, Kiver, Resa (Ferrer, 77), Majore (Kovalenko, 80), Gyasi, Manay (Agudelo, 58), Verde.
Ogohlantirishlar: Gyasi (19), Kalulu (22), Kiver (32), Provedel (45), Gabbiya (62), Majore (65), Bastoni (90+3).
“Bolonya” — “Napoli” 0:2
Gollar: 0:1 – 20 Losano, 0:2 – 47 Losano.“Bolonya”: Skorupski, de Silvestri, Sumaoro, Binks, Teate, Hiki (Pyuyuxtya, 72), Viola (Dominges, 52), Soriano (Vinyato, 67), Svanberg, Arnautovich (Falchinelli, 52), Sansone (Olsen, 52).
“Napoli”: Meret, di Lorenso, Jezus, Rrahmani, Mariu Ruy, Lobotka, Zelinski (Demme, 80), Fabian Ruis (Gulyam, 86), Elmaz (Petanya, 86), Mertens (Osimhen, 71), Losano (Politano, 71).
Ogohlantirishlar: Sumaoro (43), Zelinski (51), Teate (57), Binks (90+4)
Izoh (0)