Футбол бўйича Италия А Сериясининг 22-туридан ўрин олган «Милан» ва «Специя» ўртасидаги учрашув (1:2) бош ҳаками Марко Серра беллашув сўнгида йўл қўйган хатосидан қаттиқ тушкунликка тушган.
Ҳакам учрашувнинг охирги дақиқаларида миланликлар ярим ҳимоячиси Жуниор Мессиаснинг голини ҳисобга олмади, у ярим ҳимоячининг зарбаси олдидан ҳуштак чалиб, тўп жамоада қолганига қарамай, миланликлар фойдасига жарима зарбаси белгилаганди.
Ўйиндан сўнг ҳакам миланликлардан узр сўраган ва кийим алмаштириш хонасида йиғлаб юборган. Златан Ибраҳимович бошчилигидаги «Милан»нинг бир гуруҳ футболчилари эса ҳакамга тасалли бериб, уни қўллаб-қувватлаган.
Шунингдек, Италия ҳакамлар ассоциацияси ҳам «Милан»дан Марконинг хатоси учун узр сўради ва Серра чемпионат доирасида камида икки турга четлаштирилишини маълум қилди.
Маълумот учун, Стефано Пиоли жамоаси 22-турдан кейин пешқадам «Интер»дан (50) 2 очкога ортда қолган ҳолда 2-ўринда бормоқда.
Изоҳ (0)