2022-yilning yanvar oyida “Sevinch” jamoasini “Nasaf” tarkibiga kiritish rejalashtirilgan. Bu haqida PFL matbuot xizmati ma’lum qildi.
2021-yilda ayollar o‘rtasidagi mamlakat Oliy ligasida 10 ta jamoa ishtirok etdi. Qarshining “Sevinch” jamoasidan tashqari barcha jamoa Superliga klublari qoshida tashkil etilganligi bois professional maqomga ega bo‘ldi. 13 karra chempion, ikki marotabadan kumush va bronza medallari sohibi, o‘n karra O‘zbekiston Kubogi g‘olibi, ikki marotaba Superkubok egasi “Sevinch” 2003-yildan buyon alohida, ayollar professional futbol klubi maqomida faoliyat yuritib keldi.
2022-yilning yanvarida “Sevinch” jamoasini “Nasaf” tarkibiga kiritish ishlari olib borilmoqda. “Nasaf”ning ham, “Sevinch” klubining ham ta’sischisi “Sho‘rtangazkimyo” majmuasi hisoblanadi. Aynan ta’sischining rejasi asosida ikkala jamoa birlashtirilmoqda.
Izoh (0)