Professional boksning yarim o‘rta (-66,68 kg) vazn toifasida ringga chiqayotgan Qudratillo Abduqahhorov (18-1, 10 KO) Toshkent vaqti bilan 12-dekabr tongida navbatdagi jangini o‘tkazdi.
Kaliforniya shtatida bo‘lib o‘tgan bellashuvda Abduqahhorovga kanadalik Kodi Krouli (20-0, 9 KO) raqib bo‘ldi. Ikkinchi raundda Qudratillo raqibini nokdaun holatiga tushirdi. Biroq keyingi raundlar kanadalik sportchining kichik ustunligida o‘tdi. Yakunda hakamlar bir ovozdan Kroulining g‘alabasini qayd etdi.
Shu tariqa Abduqahhorov professional boksdagi ilk mag‘lubiyatini qabul qilib oldi.
AQShning Nyu-York shahrida yengil vazn toifasi sobiq chempioni Vasiliy Lomachenko (16-2, 11 KO) yana bir sobiq chempion Richard Kommiga (30-4, 27 KO) qarshi jang qildi.
O‘n ikki raund to‘liq davom etgan jangda ukrainalik bokschi hakamlar qaroriga ko‘ra g‘oliblikni qo‘lga kiritdi. Hisob — 117-110, 119-108, 119-108.
Yana bir to‘qnashuv Yekaterinburgda rossiyalik bokschilar o‘rtasida kechdi. WBA kamari sohibi Dmitriy Bivol (19-0, 11 KO) hamyurti Umar Salamovga (26-7, 19 KO) qarshi jang qildi. Unda hakamlar qaroriga ko‘ra Bivol g‘oliblikni qo‘lga kiritdi — 119-109, 118-109, 118-110.
Izoh (0)