Professional boksning og‘ir vazn toifasida harakat qilib kelayotgan Bahodir Jalolov (9-0, 9 KO) 11-dekabr, shanba kuni Dubayda tashkil etilgan boks kechasida ringga ko‘tarildi.
O‘zbekistonlik bokschiga kolumbiyalik Xulio Sezar Kalimeno raqiblik qildi. Jang uzoqqa cho‘zilmadi. Bahodir chap qo‘li bilan raqibining jag‘ qismiga kuchli zarba berib, uni nokautga uchratdi. Bu Bahodirning jangdagi birinchi zarbasi edi. Shu tariqa Bahodir prof boksdagi 9-jangini ham nokautli g‘alaba bilan yakunladi.
Eslatib o‘tamiz, Bahodir Jalolov professional boksdagi bundan avvalgi jangini 2021-yilning aprel oyida latviyalik Kristaps Zuitsga qarshi o‘tkazib, nokaut evaziga g‘alaba qozongandi. Ungacha esa 2020-yil 13-dekabrida Uilfredo Lilni (10-18-3, 8 KO) 1-raunddayoq nokautga uchratgandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)