Salvadorning qirg‘oq zonasida bortida mamlakat mudofaa vazirining o‘g‘li Xerardo Merino bo‘lgan harbiy samolyot halokatga uchradi. Bu haqda Salvador qurolli kuchlariga tayanib, “RBK” xabar berdi.
“Sizlarga chuqur afsus bilan ma’lum qilamizki, havo kuchlarimiz samolyoti qirg‘oqbo‘yi zonasida topshiriqni bajarayotib halokatga uchradi. Biz uch nafar ekipaj a’zosini, jumladan, vazirning o‘g‘li — leytenant Xerardo Merinoni qidirmoqdamiz”, — deyiladi Qurolli kuchlarning Twitter’dagi xabarida.
Keyinroq Salvador prezidenti Nayib Bukele Merinoning jasadi va bortning bo‘laklari topilganini ma’lum qildi. Ma’lumot prezident qarorgohida tasdiqlandi. Hodisada Xerardo Merinodan tashqari, kapitan Rodrigo Eskobar Grimaldi va leytenant Serrano Minero ham halok bo‘lgan.
Iyul oyida Filippinda 92 kishini olib ketayotgan harbiy samolyot halokatga uchragan edi. Hodisa qurbonlari soni 45 kishiga yetgan.
Shuningdek, Tojikiston Chegara xizmatining Mi-8 vertolyoti 4-avgust kuni rossiyalik turistlarni qutqarish uchun uchib ketib, halokatga uchragani xabar qilingandi. Oqibatda bir kishi — uchuvchi halok bo‘lib, yana to‘rt kishi turli darajada jarohatlangan.
Izoh (0)