Bugun,

  • USD 10940.05
  • RUB 182.26
  • EUR 11121.65

Filippinda harbiy yuk tashuvchi samolyot qulab tushishi oqibatida kamida 17 kishi halok bo‘ldi, deb yozadi “RBK”.

Filippin Harbiy-havo kuchlarining C-130 samolyoti, 2017-yil.

Filippin Harbiy-havo kuchlarining C-130 samolyoti, 2017-yil.
Foto: European Pressphoto Agency
Mamlakat Mudofaa vazirligi vakili general Korleto Vinluan xabariga ko‘ra, voqea joyida 17 kishining jasadi topilgan, ammo qutqaruvchilar aviahalokat qurbonlari soni o‘sishini istisno qilmayapti. 40 kishi qutqarilib, turli og‘irlikdagi jarohatlar bilan kasalxonalarga yetkazilgan.

Vinluanning so‘zlariga ko‘ra, samolyot bortida odamlardan tashqari, beshta jangovar mashina ham bo‘lgan.

Filippin Qurolli Kuchlarining C-130 Hercules samolyoti Sulu provinsiyasidagi Xolo orolida qo‘nishga kirishish chog‘ida halokatga uchradi. Samolyot mintaqada terrorizmga qarshi kurash uchun harbiy xizmatchilarni orolga olib uchgan. Mudofaa vazirligi ma’lumotlariga qaraganda, bortda 92 kishi, shu jumladan, sakkiz nafar ekipaj a’zosi bo‘lgan.

Dastlabki ma’lumotlarga ko‘ra, qo‘nishga urinish chog‘ida samolyot balandligini yo‘qotgan va uchish-qo‘nish yo‘lagigacha borib yetmagan. Qulab tushganidan keyin samolyot yonib ketgan, voqea joyida qutqaruvchilar va boshqa shoshilinch xizmatlar xodimlari ishlamoqda.

Eslatib o‘tamiz, avvalroq Qozog‘istonda sholi dalalariga ishov berayotgan An-2 rusumli samolyot halokatga uchragan edi.

Izoh
Asosiy yangiliklar
Mahalliy
Foto: Toshkentda Xalqaro axborotdan erkin foydalanish kuniga bag‘ishlangan xalqaro konferensiya bo‘lib o‘tmoqda
Mahalliy
Qashqadaryoda 38 yoshli ayol va 19 yoshli qiz o‘zini poyezd tagiga tashlab, joniga qasd qildi. MFY raislaridan biri bu axborotni yashirib, “mahallaning siri” demoq...
Mahalliy
Shavkat Mirziyoyev transport sohasiga bag‘ishlangan yig‘ilish o‘tkazmoqda