Buyuk Britaniya Vazirlar Mahkamasi Yangi yil mukofotlarini oluvchilarning manzillarini oshkor qilib yuborgani sabab 500 ming funt sterling miqdorida jarimaga tortildi, deb xabar beradi “Korrespondent.net”. Manzillari e’lon qilingan mashhurlar orasida Elton Jon va Konservativ partiyaning sobiq yetakchisi Iyen Dungan Smitniki ham bor.
“Hukumatning xotirjamligi va ma’lumotlar tarqalishining xavfini kamaytira olmasligi yuzlab odamlar shaxsiy ma’lumotlari sabab firibgarlikka uchrashi va shaxsiy xavfsizligi tahdid ostida qolishi mumkinligini anglatadi”, — deyiladi boshqarma xabarida.
Elton Jon va Dunkan Smitga oid ma’lumotlar 21 daqiqa davomida internetda ochiq turgan va u 3872 marotaba ko‘rilgan.
Eslatib o‘tamiz, 2021-yilning aprel oyida Facebook foydalanuvchilari ma’lumotlari bilan birga, uning asoschisi Mark Sukerbergning telefon raqami ham tarqalib ketgandi. Aksariyat hollarda telefon raqamlari, Facebook tarmog‘ining shaxsiy identifikatorlari, to‘liq ismlar, tug‘ilgan sanalar, tarjimayi hollar, ba’zi hollarda esa elektron pochta manzillari kabi ma’lumotlar oshkor bo‘lgan.
Izoh (0)