Ekologiya va atrof-muhitni muhofaza qilish davlat qo‘mitasi mutasaddilari AOKAda bo‘lib o‘tayotgan matbuot anjumanida sohada hamda “Yashil makon” umummilliy harakati doirasida amalga oshirilayotgan ishlar yuzasidan hisobot berdi.
Qayd etilishicha, respublikada bir yilda o‘rtacha hosil bo‘layotgan 7,1 million tonna maishiy chiqindilarning 0,7 million tonnasi qayta ishlashga jalb qilinib, qayta ishlash darajasi 21,9 foizdan 25 foizgacha yetkazilgan.
36 ta qattiq maishiy chiqindi poligonlarining rekultivatsiya qilish natijasida 223 ga yer maydonlari davlat zaxirasiga topshirildi va 0,7 million tonna issiqxona gazlari atmosferaga tashlanishining oldi olindi.
Maishiy chiqindilar bilan ishlash sohasida hududlarni davlat-xususiy sheriklik tamoyili asosida tadbirkorlik subyektlariga biriktirish bo‘yicha 6 ta bitim imzolangan, 14 ta loyiha tenderi o‘tkazilmoqda, 1 tasi bo‘yicha konsepsiya tasdiqlanib e’longa qo‘yildi hamda 24 tasining hujjati tayyorlanmoqda.
Izoh (0)