Экология ва атроф-муҳитни муҳофаза қилиш давлат қўмитаси мутасаддилари АОКАда бўлиб ўтаётган матбуот анжуманида соҳада ҳамда «Яшил макон» умуммиллий ҳаракати доирасида амалга оширилаётган ишлар юзасидан ҳисобот берди.
Қайд этилишича, республикада бир йилда ўртача ҳосил бўлаётган 7,1 миллион тонна маиший чиқиндиларнинг 0,7 миллион тоннаси қайта ишлашга жалб қилиниб, қайта ишлаш даражаси 21,9 фоиздан 25 фоизгача етказилган.
36 та қаттиқ маиший чиқинди полигонларининг рекултивация қилиш натижасида 223 га ер майдонлари давлат захирасига топширилди ва 0,7 миллион тонна иссиқхона газлари атмосферага ташланишининг олди олинди.
Маиший чиқиндилар билан ишлаш соҳасида ҳудудларни давлат-хусусий шериклик тамойили асосида тадбиркорлик субъектларига бириктириш бўйича 6 та битим имзоланган, 14 та лойиҳа тендери ўтказилмоқда, 1 таси бўйича концепция тасдиқланиб эълонга қўйилди ҳамда 24 тасининг ҳужжати тайёрланмоқда.
Изоҳ (0)