Ijtimoiy tarmoqlarda tarqalgan xabarlardan birida muallif ko‘chada havo sharlarini sotayotgan yosh bolaga e’tibor qaratib, ushbu holatdan xavotirda ekanini bildirgandi. Toshkent shahar IIBB xabar qilishicha, mazkur fakt bo‘yicha tekshiruv o‘tkazilgan.
Ma’lum bo‘lishicha, 2021-yilning 20-noyabr kuni umumta’lim maktabi 3-sinf o‘quvchisi 9 yoshli Sh.F. haqiqatan ham Yunusobod tumani “Billur” mahallasida havo sharlarini sotish maqsadida yurgan. Shu holat yuzasidan Yunusobod tumani IIO FMB xodimlari bolaning otasi – 34 yoshli N.F. bilan bog‘langan.
Fuqaro bilan profilaktik suhbat o‘tkazilib, so‘ng unga nisbatan Ma’muriy javobgarlik to‘g‘risidagi kodeksining 47-moddasi 1-qismi (bolalarni tarbiyalash va ularga ta’lim berish borasidagi majburiyatlarni bajarmaslik) bo‘yicha bayonnoma rasmiylashtirilgan.
Izoh (0)