Qashqadaryo viloyati Yakkabog‘ tumanida 21-oktabr kuni er turmush o‘rtog‘i bilan janjallashish oqibatida uni urib o‘ldirgan, deya viloyat prokuraturasi xabar qildi.
Ma’lum bo‘lishicha, tumanning “Uyg‘ur” mahallasida yashovchi fuqaro U.E. mast holatda turmush o‘rtog‘i G.X. bilan o‘zaro janjallashib, uni bir necha bor urib, tan jarohati yetkazgani oqibatda G.X. vafot etgan.
Qayd etilishicha, holat yuzasidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilgan. Erkakka nisbatan qamoqqa olish tarzidagi ehtiyot chorasi qo‘llangan. Jinoyat ishi yuzasidan Yakkabog‘ tumani prokuraturasi tomonidan dastlabki tergov harakatlari olib borilmoqda.
Eslatib o‘tamiz, Namanganda mast er 34 yoshli xotinini rashk sabab ish joyida pichoqlab o‘ldirgani, Jizzaxda xotinini xiyonat qilishda ayblab, uni o‘ldirib qo‘ygan shaxs 14 yilga qamalgani xabar qilingandi. Shuningdek, Samarqandda xotini va qaynonasini urib o‘ldirgan erkak 24,5 yilga ozodlikdan mahrum qilingan.
Mavzuga doir: Samarqand viloyatida ayol aroqxo‘r erini urib o‘ldirdi
Izoh (0)