O‘zbekistonda kichik va o‘rta biznesni qo‘llab-quvvatlash uchun Germaniya taraqqiyot banki (KfW)dan 29,8 mln yevro jalb etiladi. Bu haqda prezidentning 12-noyabrdagi tegishli qarorida belgilandi.
Hujjatga ko‘ra, KfW tomonidan O‘zbekistonda “Kichik va o‘rta biznesni moliyaviy qo‘llab-quvvatlash” loyihasini moliyalashtirish uchun O‘zbekiston va Germaniya o‘rtasida qarz va grant bitimlari imzolangan.
Loyihaning umumiy qiymati 29,8 million yevro bo‘lib, shundan:
- 26,8 million yevro KfWning krediti;
- 3 million yevro loyihani amalga oshirish bilan bog‘liq konsultatsiya xizmatlari uchun KfW granti tashkil etadi.
Loyiha O‘zbekistonning barcha hududlarida 2021—2024-yillarda amalga oshiriladi.
Qishloq xo‘jaligi vazirligi loyihaning o‘z vaqtida va to‘liq amalga oshirilishi, uni muvofiqlashtirish va boshqarish, shuningdek, Loyihani amalga oshirish jarayonida monitoring va hisobotni yuritish uchun mas’ul ijro etuvchi organ hisoblanadi.
Mavzuga doir:
Izoh (0)