Instagram: To‘yxonada janjal ko‘targan Kaniza, Munisa Rizayeva hijobga kirmoqchi, Halima Ibragimovaning ayrim erkaklarga murojaati

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Qiziqchi Zokir Ochildiyev marhum so‘z ustasi Hojiboy Tojiboyevning qiyofadoshini uchratdi.

Sitora Farmonova va Parizoda kasal bo‘lib qoldi. Ular bitta shifoxonada davolanmoqda.

Ziyoda nafas olayotganimizning o‘zi baxt, degan fikrni ilgari surmoqda.

Munisa Rizayeva hijobga kirish niyati borligi haqida so‘zlab berdi.  “Buni xohlayman, faqat hozir o‘rana olmayman”, — deydi Munisa.

Zarina Nizomiddinova o‘g‘li Saidumarning suratini sahifasiga joyladi.

Umid Iskandarov folloverlarining savollariga javob berdi. “Nega uylanmaysiz?”, degan savolga javoban aktyor “Hali orzumdagi insonni uchratmadim”, dedi.

Lola O‘zbekistonda turli sohalarda kadrlar yetishmovchiligi masalasini ko‘tardi. “Shou-biznesimizga qarab, qayerda o‘sha yangi qon? Qani o‘sha odam kelib, hammasini o‘zgartirib yuborsa edi, deb o‘ylayman”, — deydi xonanda.

Halima Ibragimova “ayol haydovchilarni va piyodalarni hurmat qilmaydigan, ayollarni g‘iybat qiladigan” erkaklardan nafratlanishini aytib, ularga murojaat yo‘lladi.

Turk aktyori Burak O‘zchivit o‘g‘li Karan bilan tushgan suratini sahifasiga joyladi.

Xonanda Kaniza to‘yda begona erkak bilan urishayotgani aks etgan video tarqaldi.

Kaniza ushbu videodagi holatga izoh berar ekan, erkak mast holatda bo‘lgani va qistirgan pulini olmagani uchun uni so‘kkani, shundan so‘ng u ham jim turmagani haqida gapirdi.

Nilufar Usmonova onasi bilan tig‘iz kun tartibi tufayli tez-tez ko‘risha olmasligi, biroq kuniga ikki marta albatta qo‘ng‘iroqlashishi haqida so‘zlab berdi.